આર્ટીકલ ઈમેઈલમાં મેળવવા તમારું ઈમેઈલ સબમિટ કરો

જાહેરાતો દુનિયા નાં રીત રીવાજો બદલી શકે છે.

Follow Me on Twitter -


Click here to Follow Me on Instagram

આપને સામાન્ય રીતે ટીવી પર આવતી કે અન્ય કોઈ જાહેરાતોને અવગણતા હોઈએ છીએ . આપણને મન માં થાય કે આ લોકો ખોટા રૂપિયા ખર્ચે છે જાહેરાતો થી શું ફેર પડવાનો !!!! પણ તમે પાછું વાળી ને જોશો તો જાહેરાતો એ દુનિયા ની રહેણી કહેણી થી માંડી ને જીવન બદલાવી નાખ્યું છે .


Advertisement
અત્યાર  સુધી માંજાહેરાતો એ ત્રણ સ્ટેજ પર કરી નાખ્યા છે .
  1. અમારી પ્રોડક્ટ વાપરો. એમાં આ પ્રકાર ના ફીચર્સ છે અને આ ફાયદા છે .(સમજાવટ )
  2. પછી આવ્યું અમારી પ્રોડક્ટ લેસો તો આટલું ડિસ્કાઉન્ટ , આ વસ્તુ ફ્રી વગેરે ..(લાલચ )
  3. હવે આવ્યું અમારી પ્રોડક્ટ નહિ લ્યો તો તમે પાછળ રહી જશો , બીમાર પડશો વગેરે ..(ડર)

સૌ  પ્રથમ ટુથ પેસ્ટ થી સ્ટાર્ટ કરીએ , સવાર માં ઉઠતા જ મગજ માં કઈ વિચાર્યા વગર જ હાથ માં એક બ્રશ અને એક પેસ્ટ આવી જાય . દાંત ઉપર ફેરવી ને કોગળા કરી કાઢીએ. શું આ પેસ્ટ આવી એ પહેલા લોકો નાં દાંત સાદી જતા ??? મજબુત નાં હતા ??? પીળા પડી જતા??? જવાબ છે નાં . મારા ફેમીલી નું જ ઉદાહરણ લઈએ તો મારા દાદીમાં ક્યારેય બ્રશ નથી કરતા , સવાર માં સામાન્ય પાણી નાં કોગળા જ . તેના દાંત હજુ એવા ને એવા છે જયારે મારા પાપા,મમ્મી, કાકા,કાકી  વગેરે રોજ નિયમિત બ્રશ કરે છે અને એના મોઢા માં ગણ્યા ગાઠયા દાંત જ બચ્યા છે . હું બ્રશ કરવાના વિરોધ માં નથી પણ "૧૦ માંથી ૯ દાંત નાં ડોક્ટરો " ની સલાહે આપણા જીવન માં બ્રશ કરવાનું ફરજીયાત કરાવી દીધું છે . શરૂઆત માં જાહેરાતો આવતી બ્રશ કરવાથી આ ફાયદા થાય , પેલા ફાયદા થાય વગેરે .... પછી સ્ટાર્ટ કર્યું રોજ બ્રશ કરવું જરૂરી છે ....પછી આવ્યું રાત્રે પણ બ્રશ કરવું જરૂરી છે ...હવે  આવ્યું ખાધા પછી એ લોકો ની સ્પેશિયલ પ્રોડક્ટ થી કોગળા કરવા જરૂરી છે ...

આવી જ એક બીજી પ્રોડકટ છે કોમ્પ્લેઈન , સાચે એ છે શું એ મને નથી ખબર . પણ એની જાહેરાતો જોઈ ને ડરી જવાય છે . તમારા છોકરાવ ને જો તમે એ નઈ પીવડાવો તો એનો સરખો વિકાસ નહિ થાય ... તો શું તમારી પ્રોડક્ટ નોતી આવી એ પહેલા કોઈ નો સંપૂર્ણ વિકાસ જ નોતો થતો ??? હવે તો આ લોકો એટલી હદે આગળ નીકળી ગયા છે કે છોકરા ની સાથે મમ્મી ને પણ પીવું ફરજીયાત છે . ખાલી દૂધ પીવાથી કઈ નાં થાય એમાં અમારો પાવડર નાખો તો જ પોષણ મળે . !!! જે હોઈ તે આની ઇફેક્ટ પડી જ છે , શહેર ના ૧૦ માંથી ૯ છોકરાવ આ પાવડર પીવે છે  અને સંપૂર્ણ વિકાસ નો લાભ મેળવે છે ..!!!! કદાચ માતાઓ બાળક ને એટલે પણ પીવડાવે છે કે કદાચ મારું બાળક પાછળ નાં રહી જાય .!!

બાકી  બીજી ઘણી પ્રોડક્ટ્સ છે જેને આપની લાઈફ માં પરણે ઘૂસણખોરી કરી છે કે જેની ક્યારેય જરૂર જ નાં હોઈ. "ડી.ઓ. " વાળા ની જાહેરાતો તો ભુકકા કાઢી નાખે એવી હોઈ છે , આપણને ખબર જ નાં પડે કે ભાઈ આ પ્રોડક્ટ છે શેના માટે ??  અમુક બ્યુટી પ્રોડક્ટ્સ નું પણ એવું જ છે . તમે ઓલરેડી ગોરા જ છો તો પણ તમારે એની ટ્યુબ મોઢે લાગવાની જ, તો જ તમે સક્સેસ જાવ .

અરે હા અમુક પ્રોડક્ટ્સ તો ક્યાં ક્યાં થી "કીટાણું" સોધી કાઢે છે એ ખબર જ નથી પડતી . પહેલા એડ આવતી કે તમે અમારા સાબુ થી હાથ ધુઓ ...પછી લાવ્યા કે અમારા સાબુ થી હાથ નહિ ધુઓ તો તમારી તબિયત જોખમાશે ...અને હવે ,તમારા સાબુ માં પણ કીટાણું હોઈ શકે છે એટલે સાબુ ની જગ્યા પર તેનું " હેન્ડ વોશ " વાપરો . આ તો હદ થાય છે .

આવી તો ઘણી પ્રોડક્ટ્સ છે જે જાહેરાતો નાં માધ્યમ થી આપની જીંદગી માં ઘર કરી ગઈ છે એના વિના ચાલે  તેમ જ નથી. સામાન્ય લોકો દેખાદેખી માં ભરમાય જાય છે . ઉચ્ચ વર્ગ ટેસ્ટીંગ કરવા માં ભરમાય જાય છે . જે હોઈ તે પણ અનુપયોગી પ્રોડક્ટ્સ થી બચો , ખરેખર જરૂર હોઈ તો જ પ્રોડક્ટ ખરીદો . અમુક રૂપિયા સસ્તું મળતું હોઈ કે ફ્રી મળતું હોઈ પણ જો ખરેખર જરૂર હોઈ તો જ ઉપયોગ કરો .

Comment with Facebook