ચાલને આવી રીતે ઉજવીએ દિવાળી આપણે

Follow Me on Twitter -
Follow @Er_ASP

ચાલને આવી રીતે ઉજવીએ દિવાળી આપણે

પહેલા ચલ આપણે દિલના માળિયા સાફ કરીએ, પછી દુર કરીએ મનના કચરાને, ચલને એકબીજાને ગમાડીએ રંગીને આ તનની દીવાલ !

પહેલા પૂજા કરીએ આપના સબંધની, પછી દુર કરશું વ્હેમનો કકળાટ આપણે, ચલને એકબીજા પર કરીએ કાળો જાદુ આપણે!

ચાલ એક વહાલનો ફટાકડો હું ફોડું, તું એક સ્નેહની ફૂલઝર કરજે, ચલને એક તારામંડળથી આખા બ્રહ્માંડમાં પ્રેમને પોકારીએ આપણે! 

પહેલા ચલ ચાહતની રંગોળી બનાવીએ ,પછી પૂરશું પ્રણયના રંગો આપણે, રંગો પૂરતા પૂરતા એકબીજામાં જ પુરાઈ જઈશું આપણે.

ચાલને આવી રીતે ઉજવીએ દિવાળી આપણે

- અંકિત સાદરીયા

(નોંધ : આ કોઈ કવિતા નથી. આડા અવળા સુજેલા વાક્યો છે )

બુક રીવ્યુ - ઈજીપ્ત -ઇસ્ત્રાઇલની ઝાંખી , સ્વામી સચ્ચિદાનંદ

Follow Me on Twitter -
Follow @Er_ASP

સ્વામી સચિદાનંદની "મારા અનુભવો" બુક વાંચી ત્યારથી જ એમની બીજી બુકો વાંચવાની ઈચ્છા હતી. અમુક મેગેઝીન્સમાં મેં એમના પ્રવાસ આર્ટીકલસ વાંચ્યા હતા. એમનું  પ્રવાસ વર્ણન સાથે ફિલોસોફી અને ત્યારની ઘટનાનું વિવરણ સરસ હોઈ છે. હમણા જ ઓનલાઈન પુસ્તકો  માટેની ગુજરાતમાં જાણીતી બનેલી વેબસાઇટ "dhoomkharidi.com"  પરથી અમુક મેગેઝીન્સની સાથે આ પુસ્તક પણ મંગાવ્યું.

આમતો બુકનું શીર્ષક વાંચીને એમ જ લાગે કે એક પ્રવાસ ડાયરી હશે. સચ્ચીદાનાન્દજી જ્યાં જ્યાં ગયા હશે એનું વર્ણન હશે. ના સાવ એવું નથી. બુકમાં પ્રવાસ અને સ્થળોનું સચોટ વર્ણન છે , ભારત સાથેની કમ્પેરીઝન છે, ત્યારની આકાર લેતી પોલીટીકલ ઘટનાઓને પણ સાંકળી છે. સાથે સાથે જે તે સ્થળોનો ઈતિહાસ પણ સાંકળ્યો છે. જેને ભારત સિવાય બહાર શું ચાલે છે અને ભારતની એમની સાથેની સરખામણી વિષે કુતુહલ હોઈ તો આ પુસ્તક ૧૦૦% વાંચવું જ જોઈએ (કુવાની બહારની દુનિયા જોવા માટે ! ). મને પુસ્તકમાં સૌથી વધુ ગમ્યું હોઈ તો એ છે સ્વામી સચ્ચિદાનંદના મોડર્ન  વન લાઈનર્સ !

 ઈજીપ્ત -ઇસ્ત્રાઇલની ઝાંખી બુકના કેટલાક સ્પર્શી ગયેલ વાક્યો -

• બુકનું પહેલું જ વાક્ય " જીવનમાં કેટલાક પ્રસંગો અણધાર્યા બનતા હોઈ છે. ધારણા પ્રમાણે જ બધું થતું હોઈ તો કોઈ દુખી ના થાય. પણ નાં ધારણા પ્રમાણે જ બધું થવા લાગે તો કદાચ કોઈ સુખી નાં થાય."
   
• નેવું અબજ રૂપિયાનું વિમાન સ્વયમ પોતે એક ચમત્કાર છે. કંકુ કાઢવાના ચમત્કાર જોઇને ગાંડા થવા કરતા, વિજ્ઞાનના આ માનવલક્ષી ચમત્કારો જોઇને વધુ દહાપણ મેળવવું હિતાવાહ છે.
  
  
• ભારતની પ્રજા વિજ્ઞાનવાદીઓના રવાડે ચડવાની જગ્યાએ ચમત્કારવાદીઓના રવાડે ચડી ગઈ છે.
  
  
• કુદરતી જીવન જીવો, સાદું પણ કસવાળું જમો , ખુબ કામ કરો , કર્મયોગથી દિવસ પૂરો કરો , હસો ખેલો, ટોળટપ્પા કરો. આરોગ્ય તમારી મુઠ્ઠીમાં છે, દવાખાના શોધવા નહિ જવા પડે "
  
  
•  આંતકવાદની સમાપ્તિ ક્યારેય એકલા લશ્કરથી કરી શકાતી નથી.લશ્કર ગમે એટલું મોટું અને શસસ્ત્ર હોય તોપણ બસ -ટ્રેન કે જાહેર સ્થાનોમાં બોમ્બ વિસ્ફોટ રોકવા શક્ય નથી. આંતકવાદનો ઉચ્છેદ તો માત્ર ગુપ્તચરો દ્વારા જ કરી શકાય. 
  
  
• ઈચ્છા વિનાની, નાના નાના કામોમાં જ સંતુષ્ટ થઇ જનારી પ્રજા આપોઆપ લોઅર પ્રજા બની જતી હોઈ છે 
  
  
• સ્વચ્છંદતા , ગુલામી કરતા પણ ભૂંડા પરિણામો લાવતી હોઈ છે .
  
  
• સ્ત્રીને નખશીખ ઢાંકી દેવાથી જ કાઈ તે પવિત્ર નથી થઈ જતી. સ્ત્રીઓ પ્રત્યે આવો વ્યવહાર એ અવિશ્વાસ અને ક્રૂરતાની નિશાની છે 
  
  
• જીવનમાં લોભ -લાલચ, પ્રભાવ અને ભય રહેતા જ હોઈ છે 
  
  
• જો હિંદુ પ્રજાં યહુદીઓ જેવી જાગૃત પ્રજા હોત તો તેને પણ રડવા માટેની એક દીવાલ બનાવી હોત. 
  
  
• પ્રત્યેક સત્યશોધકે બને ત્યાં સુધી પ્રત્યેક ધર્મ સ્થાનના દર્શને જવું. જેથી એકબીજાની વિશેષતા જોવા જાણવા મળે. એકબીજાના ધર્મગ્રંથોનું અધ્યયન કરવું જેથી એકબીજાને સારી રીતે સમજવાની દ્રષ્ટિ મળે 
  
  
• ધર્મને  કદીપણ સામાન્ય પ્રજા બગડતી નથી. આ કામ તો અજ્ઞાની અને સ્વાર્થી ધર્મગુરુઓ જ કરતા હોઈ છે.
  
  
• ઉત્પાદન વધાર્યા વગરની રોજીઓ રાષ્ટ્રને ગરીબ બનાવે છે. આપનું રાષ્ટ્ર આવી રીતે ચૂસાઈ રહ્યું છે 
  
  
• પ્રજા હમેશા વૈભવી હોવી જોઈએ. સમૃદ્ધ અને વૈભવી પ્રજા હમેશા રોજગાર ઉત્પન કરતી હોઈ છે. 
  
  
• ઇસ્ત્રાઈલે ખેતીને એક રોજી માત્ર નથી ગણી, પણ પૂર્ણ કમર્શિયલ ઉદ્યોગ માન્યો છે. આપનામાં અને તેનામાં આ મુદા નો ફર્ક છે 
  
  
• જે પ્રજા ઝડપથી યંત્રવાદ અને વિજ્ઞાનને નથી સ્વીકારી શકતી, તે મબલક ચીઝ્વસ્તુઓ નથી ઉત્પન કરી શકતી: તેની જગ્યાએ તે મબલક સંતાનો ઉત્પન કરતી થય જાય છે. આ પ્રજા માટે "ખાલી જઠરો" અને ભરેલા ગર્ભાશયો"ની ઉક્તિ લાગુ પાડી શકાય. 
  
  
• જૂની સંસ્કૃતિનો કેફ ચડાવીને પ્રજાને વર્ષો સુધી પછાત બનાવી શકાય છે. 
  
  
• રાજનીતિમાં મુત્સદીગીરી શોભે , ભાવુતા નહિ.રાજનીતિમાં જરૂર છે ડાહ્યા, શાણા રાજનૈતિજ્ઞની. ભાવુકતાથી ઉશ્કેરાયેલા કે ઉશ્કેરનારા લોકો વંટોળીયાઓ તો પેદા કરી શકે, રાજ્ય ન ચલાવી શકે. 
  
  

  આ ઉપરાંત વચ્ચે વચ્ચે સ્વામી સચ્ચિદાનંદએ ત્યારે ભારતના રાજકારણમાં આવી રહેલ  બદલાવ, એટલબિહારી બાજપાઈની બની રહેલ સરકાર વગેરે વિષે પણ ચર્ચા કરી છે. ઈજીપ્ત અને ઇસ્ત્રૈઇલનો ઈતિહાસ વિષે પણ લખ્યું છે. ઇસ્ત્રાઇલની વિજ્ઞાનિક ઢબની ખેતી અને પશુપાલન, કીબુત્સની  રહેણી કહેણી વગેરે જાણવા જેવું છે. ઇસ્ત્રાઇલના વિમાનની અપહરણની ઘટના ભૂ જ રોચક છે. સુએઝ નહેર , ડેથ સી , જેરુસલેમ, રુદન દીવાલ, ઈજીપ્તના પીરામીડો અને બાંધકામો વિષે પણ જાણવાનું મજા આવે એવું છે  

આ ઉપરાંત આંતકવાદ અને કાશ્મીરની સમસ્યાઓ વગેરે પરના વિચારો કાફી આધુનિક છે. દરેક ભારતીએ વાંચવા જેવી બુક. 

बस इन सब में प्यार हार गया - छोटी सी रचना !

Follow Me on Twitter -
Follow @Er_ASP

ઘણી વખત, છોકરો અને છોકરી એકબીજાને ગમતા હોવા છતાં અમુક કારણોસર એકબીજાને ક્યારેય પ્રપોઝ કરી શકતા નથી અને એમનો પ્રેમ હારી જાય છે. આ માટે લખેલી એક નાનકડી રચના વાંચો - 

પોસ્ટ વિડીઓમાં જોવા માટે -  

तुमने हमे इग्नोर किया

हमने तुम्हे बुलाना नहीं समजा

बस इन सब में प्यार हार गया !

तुम बहाने बनाती रही

हम सच्चाई छुपाते रहे

बस इन सब में प्यार हार गया !

तुमने मुश्कुरहट के पीछे दुःख छुपाये

हमने हसी के पीछे आंसू छुपाये

बस इन सब में प्यार हार गया !

तुमने हमे अपना नहीं समजा

हमने अपनेपन का अहेसास नहीं दिलाया

बस इन सब में प्यार हार गया !

जब हम तन्हा थे तब तुम नहीं थे

जब तुम्हे जरुरत थी तब हम दूर थे

बस इन सब में प्यार हार गया !

तुमने समाज का डर नहीं छोड़ा

हमने अपना गुमान नहीं छोड़ा

बस इन सब में प्यार हार गया !

-अंकित सादरिया

આઈડિયા, ટેકનોલોજી અને સફળતા !

Follow Me on Twitter -
Follow @Er_ASP

હસી તો ફસી, વન ઓફ માય ફેવરીટ મુવી. એમાં એક નાની છોકરી હોઈ છે જે ખુબ ઈન્ટેલીજન્ટ હોઈ છે. સામે એક છોકરો હોઈ છે એ પણ એટલો જ ઈન્ટેલીજન્ટ હોઈ છે. (પણ પછી એ છોકરો સાત વરસથી એક છોકરીને સેટ કરવામાં પડ્યો હોઈ, કઈ કરી શકતો નથી.. હા હા. જો કે આ આડી વાત થઇ).  આ ઈન્ટેલીજન્ટ છોકરી એક મસ્ત ડાયલોગ બોલે છે "અગર મેં આઈડિયા હોતી ઔર તુમ ટેકનોલોજી , હમારી પતંગ ક્યાં મસ્ત હોતી નાં " (પછી છેલ્લે એ છોકરો સમજી જાય છે અને પેલી છોકરીને મુકીને આ આઈડિયાને પકડે છે. પાછી આડી વાત થઇ ગઈ.. હા હા ).

પહેલા ટેક્સી શોધવી કેટલી અઘરી હતી. મેઈન રોડ પર જાઓ કે ટેક્સી સ્ટેન્ડ જાઓ ત્યાંથી એક ટેક્સીવાળા સાથે ભાવતોલ કરી સેટિંગ પાડી ઘર પર લઇ આઓ. અને આજે? એક એપ ડાઉનલોડ કરો , એડ્રેસ નાખો અને ટેક્સી ઘરના દરવાજે હાજર ! ટેક્સીનો રેટ અને બધું પહેલેથી જ ફિક્સ. તમારે દુર રહેતા કોઈ સ્વજનને ગીફ્ટ મોકલવી છે. પહેલા તમે ગીફ્ટ ખરીદતા, પછી કુરિયરવાળાને ત્યાં જતા અને કુરિયર કરાવતા. અને હવે ? એક વેબસાઈટ ખોલો (કે એપ), કોઈ પ્રોડક્ટ ચૂઝ કરો, તમારા સ્વજનનું એડ્રેસ નાખો , ગીફ્ટ માટેનું ચેક બોક્સ ચેક કરો. ગીફ્ટમાટે નો મેસેજ નાખો અને વસ્તુ ગીફ્ટ થઈને હજારો માઈલ દુર રહેતા સ્વજનના ઘરે પહોચી જશે ! (અરે ગુગલ મેપ ને કેમ ભૂલાય? એ તો પર્યોટકો માટેનો ભગવાનથી પણ વિશેષ છે ) આ બધું કેમ શક્ય બન્યું ? આઈડિયા અને ટેકનોલોજી થી જ તો ! 

નવો બીઝનેસ સ્ટાર્ટ કરવા, આ દુનિયામાં કૈક નવું ઇનોવેટ કરવા માટે શું જરૂરી છે ? એક આઈડિયા ? તમે માનો કે નાં માનો, ઘણા લોકોને નવા નવા આઈડિયા આવતા જ હોઈ છે. તમે જ વિચારી લ્યો તમારી પાસે કેટલા આઈડિયા પડ્યા છે ? ખાલી આઈડિયા આવવાથી તમે સફળ ના થઇ જાવ. તે આઈડિયા કેવી રીતે ઈમ્પલીમેટ કરવો એ પણ વધુ અગત્યનું છે. ફેસબુક જેને બનાવ્યું છે એ માર્ક ઝુકરબર્ગનું જ ઉદાહરણ લઈએ તો એને એવી કૈક સોસીયલ નેટવર્ક બનાવવાનો આઈડિયા આવ્યો કે જેમાં મિત્રો કનેક્ટ રહી શકે. હવે ખાલી આ આઈડિયાથી એ ફેસબુક ના બનાવી શક્યો હોત. એ આઈડિયા સાથે એને ફેસબુક કેમ બનાવવું એની ટેકનોલોજીનું પણ જ્ઞાન હતું. (એ આઈડિયા સાથે ફેસબુક બનાવી ઈન્ટરનેટ પર મૂકી દીધું અને આજે તમે બધા ત્યાં જ રહો છો ..હા હા ).

હવે પ્રશ્ન છે, 

૧. તમારી પાસે આઈડિયા છે, પણ ટેકનોલોજીનું જ્ઞાન નથી. તો શું કરવું ?

૨. આઈડિયા પણ છે , ટેકનોલોજીનું પણ જ્ઞાન છે. પણ ટાઈમ નથી ! ?

તમારી પાસે આઈડિયા છે, પણ ટેકનોલોજીનું જ્ઞાન નથી. આ કેસમાં બે વિકલ્પ છે , એક કે તમે જાતે ટેકનોલોજી શીખતા જાવ અને આઈડિયા  ઈમ્પ્લીમેન્ટ કરતા જાવ. આ ઘણો સમય માંગી લ્યે. અને બીજો પ્રોબ્લેમ એ છે કે જેવું તમે વિચાર્યું હોઈ એવી પ્રોડક્ટ નાં પણ બને ! બીજો વિકલ્પ એ છે કે તમે કોઈ ટેકનોલોજી એક્સપર્ટને હાયર કરી લો કે જેને એ આઈડિયા કેવી રીતે ઈમ્પલીમેન્ટ કરવો એનું જ્ઞાન હોઈ. આ વિકલ્પમાં તમને તમારો આઈડિયા ક્લીયર હોવો જોઈએ. જે વ્યક્તિને હાયર કરો એ વિશ્વાશું હોવો જોઈએ. (બાકી તમારા આઈડિયા પર કોઈ "બીલ ગેટ્સ" બની જાય ). 

હવે બીજો પ્રશ્ન કે તમારી પાસે આઈડિયા પણ છે અને એ આઈડીયાને પ્રોડક્ટ કેમ બનાવવી એ પણ ખબર છે પણ ટાઈમ નથી કે રૂપિયા નથી ! આ પ્રશ્નમાં સૌથી પહેલા તમને તમારા આઈડિયા પર પૂરો ભરોસો હોવો જોઈએ. એ આઈડિયાની વેલ્યુ તમને ખબર હોવી જોઈએ. એ અઈડ્યાની વેલ્યુ પરથી રૂપિયા માટે તમે ક્યાયથી પણ ઇન્વેસ્ટર્સ શોધી શકો. સારા આઈડિયા પર રૂપિયા વરસાવવા માટે ઘણા મીલીનીયોર્સ પડ્યા છે.   પે એટીએમ , ફ્લીપકાર્ટ ,ઓલા વગેરે આટલી ઓફર્સ ક્યાંથી આપે છે ? ( ઇન્વેસ્ટર્સના રૂપિયે જ તો ! ). 

પણ શું આ આઈડિયાને ઈમ્પલીમેન્ટ કરવા, દુનિયાને બદલાવવી એટલી જ ઇઝી છે? જવાબ છે "ના". તમને ટેકનોલોજીનું જ્ઞાન હોઈ કે નાં હોઈ , તમારી પાસે રૂપિયા હોઈ કે નાં હોઈ, દુનિયાને કૈક નવું આપવા માટે જાત ને ઘસી નાખવી પડે છે, તમારી કમ્ફર્ટ નોકરી કે ઇઝી લાઈફ છોડીને રિસ્ક લેવું પડે છે. આઈડિયા ઈમ્પ્લીમેન્ટ થઇ જાય પછી પણ એ ચાલશે કે નહિ એ નક્કી હોતું નથી. ઘણા સ્ટાર્ટઅપસ વેચાય જાય છે તો ઘણાનું  બાળ મરણ થઈ જાય છે. બાકી ઘણા "ચતુર" રૂપિયા અને સમયવાળા  લોકો  બીજાનો જ આઈડિયા ઉપાડી એને રી-ડીઝાઇન કરીને માર્કેટમાં મુકે છે (આ રી-ડીઝાઈનની વાત પછી ક્યારેક).  હજુ એક વાત, આઈડિયા માર્કેટમાં આવ્યા પછી એનું સતત માર્કેટિંગ જરૂરી છે. એ આઈડિયા લોકો ને કૈક લાભદાયી લાગવો જોઈએ. લોકો માટે એ વસ્તુ વાપરવી સરળ હોવી જોઈએ તો અને તો જ તમે સફળ થાવ છો અને દુનિયા બદલાય છે !! 

  

તમને મારી આ પોસ્ટ્સ પણ ગમશે - 

• સફળતા - એ શું વળી ?
• Engineer - દુનિયાને બદલવનાર એક કલાકાર !
• ટાઈમ જ નથી ભાઈ

સબંધોનાં સમીકરણ- એક શોર્ટ સ્ટોરી

Follow Me on Twitter -
Follow @Er_ASP

સબંધોનાં સમીકરણ

સબંધો નાં સમીકરણ

અક્ષરને કલાસીસ માં એક વિકની રજા હતી, શું કરવું કઈ જ ખબર નો'તી પડતી. બધા જ રૂમ મેટ્સ ઘરે ગયા હતા, રૂમ માં એકલો જ હતો. કંટાળી ને ફેસબુક ચાલુ કર્યું. હમણાં જ સેન્ડ કરેલી રીક્વેસ્ટ એક્સેપ્ટ થઇ ગઈ હતી અને સાથે એક મેસેજ પણ હતો. "હું તને બરાબર ઓળખતી નથી. જોયો જ હશે પણ યાદ નથી. મને ખબર છે આપણે સેમ સોસાઈટીમાં રહીએ છીએ, પણ તારૂ ઘર કયું છે એ ખબર નથી ". આ મેસેજ હતો અક્સરની જ સોસાયટીમાં રહેતી રેશમાનો. રેશમા અક્ષરની જ  સોસાયટીમાં રહેતી હતી. અક્ષર રેશમાની નાની બહેન પ્રિયંકાને ઓળખતો હતો. રેશ્માને ક્યારેય સરખી જોઈ નાં હતી. 

અક્ષરે રીપ્લાય કર્યો. એક દિવસ પછી રેશમનો રીપ્લાય આવ્યો કે "હા યાદ આવ્યું , મકરસક્રાંતિમાં જોયો હતો " ત્યાંથી વાત થોડી આગળ વધી. અક્ષરે મોબાઈલ નંબર માંગ્યો , એને આજ સુધી કોઈ છોકરી પાસે મોબાઈલ નંબર માંગ્યો જ નહોતો . નંબર માગે અને છોકરી ડાઈરેકટ આપી દે એ સાવ જ નવું હતું. ત્યારે વોટ્સ અપ જેવી ચેટીંગ એપ હતી નહિ , બંનેએ એબીજાને ફોર્વર્ડેડ મેસેજ કરવાનું ચાલુ કર્યું.

ફોર્વર્ડેડ મેસેજ કરતા કરતા ક્યારે વાતો કરવાનું ચાલુ થઇ ગયું , ખબર જ નાં પડી.રોજનાં 200 મેસેજ ની લીમીટ પૂરી થઇ જાય. પછી જો હજુ ય વાતો નાં ખૂટી હોઈ તો કોલ માં એક - બે કલાક વાત ચાલે. ક્યારેક રેશમા મજાક મજાકમાં પૂછી લે - "આપને બેય સેમ કાસ્ટનાં હોઈ તો, શું તું મારી સાથે મેરેજ કરે?" અને અક્ષર - "હોત તો જોત " એવું કહી વાત ટાળી દ્યે. અક્ષર માટે આ એક ફ્રેન્ડશીપથી વધુ કાઈ નાં હતું. અને કદાચ હતું તો પણ એને બિચારાને કાઈ ખબર નોતી પડતી.

ધીમે ધીમે બંને એકબીજાને એડલ્ટ મેસેજ કરવા માંડ્યા, પોતાની જ મસ્તી માં ખોવાયેલ રહે. અક્ષર માટે આ બધું જ નવું હતું , દુનિયા એકદમ રોમાંચક લાગતી હતી. કોઈક અલગ જ દુનિયામાં જીવી રહ્યો હોઈ એવું લાગી રહ્યું હતું. હવે એક એક વાતમાં રેશમા હોય જ , એમના વગર ચલાતું જ નાં હોઈ એવું લાગતું.

હવે ધીમે ધીમે અક્ષરને ઘરે આવવાનો સમય નજીક આવતો હતો , એ રેશમાને મળશે એ વિચારીને જ એક્સાઈટેડ હતો. ઘણા બધા પ્લાન વિચારી લીધા હતા. રેશમા માટે શું ગીફ્ટ લેવી એ મુંજવણમાં 3 દિવસ એમ જ જતા રહ્યા. ફાઈનલી ઘરે જવાનો દિવસ આવી ગયો , રેલ્વે સ્ટેશન પાસેની શોપમાંથી એક મસ્ત ગીફ્ટ ખરીદી અને નીકળી પડ્યો. ટ્રેનમાં 2 દિવસ રેશમા સાથે વાત જ નાં થઇ શકી. રેશમાનો મેસેજ હતો કે એ ગામડે કોઈ મેરેજ માં જાય છે તો 10 દિવસ પછી આવશે.

અક્ષરે માંડ માંડ 10 દિવસ કાઢ્યા. રેશમા આવી ગઈ હતી , પણ આ શું ? સાવ બદલાય ગયેલી લાગતી હતી. એ તોફાન, એ મસ્તી, એ બિન્દાસ પણું બધું જ ગાયબ. ખાલી વાત કરવા ખાતર કરતી હોઈ એવું લાગતું. અક્ષરને મળવાનું પણ ટાળતી રહી. અંતે તો અક્ષર એ કંટાળી ને પેલી ગીફ્ટ પણ તોડી નાખી. જયારે અક્ષરે રેશમા નાં બદલાયેલા સ્વભાવ વિશે બહુ પૂછ્યું ત્યારે રેશમાએ અક્ષરને એવું કહ્યું કે આપને ફ્રેન્ડ છીએ હવે મારા મેરેજ માટેની વાત ચાલે છે તો થોડું ટેન્શન છે એટલે પહેલા ની જેમ વાત નથી થઇ શકતી. અજીબ વાત એ હતી કે અક્ષરને રેશમા નાં મેરેજની વાત સાંભળીને બોવ કઈ એવું લાગ્યું નહિ .

આમ જ ઘણા દિવસો વીતી ગયા , એક દિવસ પાછો રેશમાનો મેસેજ આવ્યો। હવે બંને પાસે વોટ્સ અપ હતું. પાછી બધી વાત એમ જ ચાલુ થઇ, પણ થોડા દિવસમાં પાછી રેશમા બદલાય ગઈ અને હવે અક્ષર માટે રેશમાને સમજવું ઘણું જ અઘરું હતું. ક્યારક ક્યારેક રેશમા સાથે એમ જ ઔપચારિક વાત થઇ જતી. રીયલમાં તો એ અક્ષર ને એક- બે વાર જ મળી હતી એ પણ રોડ પર પાંચ દશ મિનીટ!! બે વર્ષ થઇ ગયા પણ હજુ રેશમાનાં મેરેજ કે સગાઇ કાઈ થયું નાં હતું. 

હવે , અક્ષરનાં મેરેજ નક્કી થયા. અક્સર ને હવે રેશમા બોવ જ યાદ આવતી હતી. થતું હતું કે હું એને નાં સમજી શક્યો કે એ મનેનાં સમજી શકી. ત્યાં જ રેશમા નો કોલ આવ્યો, અક્ષરનાં મેરેજ વિશે વાત થઇ. આ વખતે અક્ષરે રેશમાને મજાક માં પૂછ્યું " હજુ તું મારી સાથે મેરેજ કરી શકે ? " અને રેશમા એ "હા હા , ચલ ભાગી જઈએ। .." કહી વાત ટાળી નાખી...

બીજી પોપ્યુલર પોસ્ટ્સ 

• એ આપણે નક્કી કરવાનું છે 
• પ્રેમ - અઢી અક્ષર કરતા થોડું વધુ !
• લવ યુ એસ અ ફ્રેન્ડ !

હેપી બર્થ ડે - જીંદગી |

Follow Me on Twitter -
Follow @Er_ASP

*નાં આ પોસ્ટ ને આજથી લાગુ થનાર GST  સાથે કોઈ જ લેવાદેવા નથી (હા હા હા )*

ક્યારેય વિચાર્યું છે કે કોઈ વ્યક્તિ બીજી વ્યક્તિની જીંદગી ક્યારે બની જાય ? કોઈ ને પ્રેમ કરવાથી ? કોઈ ને સાચો પ્રેમ કરવાથી ? ના. તમારી જિંદગી કોઈ વ્યક્તિ ત્યારે જ બની શકે જયારે તમે એને અનહદ ચાહતા હો અને એની સાથે એક એક પળ રહેતા હો. કોઈને દુર બેસી ચાહવું , એ ફીલિંગ અનુભવવી બહુ જ સરળ છે. પણ રોજ રોજ તમારે એ વ્યક્તિ સાથે રહેવાનું હોઈ , એની સારી - ખરાબ બધી આદતો તમને ગમવા માંડે. પોતાની પસંદ - નાપસંદ, એ વ્યક્તિ ની પસંદ- નાપસંદ બધાનો સરવાળો, ગુણાકાર ,ભાગાકાર, બાદબાકી બધું થયા પછી પણ પ્રેમ અનુભવાય ત્યારે જ એ વ્યક્તિ તમારી જીંદગી બની જાય. જયારે "આ સાલી જીંદગી" , "આ સરસ જીંદગી" બની જાય. સાચો પ્રેમ ત્યારે જ સમજાય કે જયારે તમે એ વ્યક્તિની સાથે રહો.  

કોઈ વ્યક્તિ તમારી જીંદગીમાં આવે , તમારી અસ્તવ્યસ્ત જિંદગી ને ઈસ્ત્રી મારી ને સુદ્રઢ બનાવી દે. જિંદગીનો એક ખાલીપો ભરી દે. તમે જયારે જયારે કોઈની જરૂર હોઈ ત્યારે એ સાથે જ હોઈ. કોઈ મુશ્કેલી કે કોઈ સમસ્યામાં હમેશા એક હમદર્દ બની રહે.એની સફળતા અને સકસેસનાં સપના વચ્ચે તમારી સફળતા માટે હમેશા પપ્રયત્ન  કરતી રહે. જીંદગીમાં ક્યારે ચોરીછૂપીથી આવીને દિલમાં ધીમે ધીમે કબજો જમાવી ને તમારી જીંદગી જ બની જાય.   પતિ-પત્નીના ઝગડાઓ, જોક્સ વગેરે એકબાજુ મૂકી ને લાઈફમાં તટસ્થ રીતે વિચારીએ ત્યારે એવું જ લાગે કે સો સમજે તો બંને જ એકબીજા માટે જીંદગી છે. (આ માટે લખેલી જૂની પોસ્ટ - "એ આપને નક્કી કરવાનું છે" વાંચવા અહી ક્લિક કરો ) .  

તે આવીને એવો તો શું જાદુ કર્યો , 

એકલો રહેતો "અંકિત"

તારા વગર જ એકલો લાગવા માંડ્યો !!

આજે આ જ " મારી જીંદગી" નો બર્થ ડે છે.  હેપી બર્થ ડે જીંદગી :)

હેપી બર્થ ડે - જીંદગી | 

બુક રીવ્યુ - "એલ્કેમિસ્ટ" by Paulo Coelho

Follow Me on Twitter -
Follow @Er_ASP

એલ્કેમિસ્ટનો સીધોસાદો અર્થ "કોઈ પણ ધાતુને સોનામાં પરિવર્તિત કરી નાખનાર" એવો થાય. આ 1983 માં  Paulo Coelho દ્વારાબુકની કરોડો આવૃતિઓ વેચાઈ છે અને વંચાય છે. તો આ બુક માં એવું તો શું છે જે બીજા પુસ્તકોથી અલગ પડે છે ? એવું શું છે જે લોકોને આખું પુસ્તક વાંચવા મજબુર કરે છે? 

આમ તો સ્ટોરી સાવ સીધીસાદી છે. એક છોકરો, જેને દુનિયા જોવી હોય છે એટલે ભણીગણીને  ભરવાડ બની જાય છે.એના ઘેટા ચરાવતો ચરાવતો એ  આખા  સ્પેનમાં ભ્રમણ કરે છે. એને બુક વાંચવાનો પણ શોખ હોઈ છે. એ આ ઘેટા અને બુક પાસેથી ઘણું શીખતો રહે છે. એને એક વિચિત્ર ઈજીપ્તના પીરામીડનું સ્વપ્ન આવે છે. અને એક દિવસ એ હિમ્મત કરી, બધા ઘેટા વેચીને ઘજનો શોધવા આફ્રિકા નીકળી જાય છે. જ્યાં તે  ડગલે ને પગલે ઘણું શીખે છે. એમાં એને એક "એલ્કેમિસ્ટ" મળે છે જે ઉપર કહ્યું એમ શીશાને સોનામાં  ફેરવવાની કળા જાણતો હોઈ છે. જે આ છોકરાને ડગલે ને પગલે ઘણું શીખાવાડે છે.  કુદરત અને કુદરત દ્વારા બનાવેલ તમામ વસ્તુઓ આપણને કૈક ને કૈક સુચન આપે છે તેને ઓળખીએ તો તમે તમારા સ્વપ્નો સાકાર કરી શકો છો.

"એલ્કેમિસ્ટ" બુકના સરસ સુવાક્યો - 

• "જયારે તમે કૈક સાચા દિલથી ચાહો છો , ત્યારે આખી  દુનીયા(કુદરત) એને મેળવવામાં મદદ કરવા લાગી જાય છે " 
• "સ્વપ્નો જોવાનું ક્યારેય બંધ નાં કરો"
• છોકરાએ પૂછ્યું " જીવનનું અસત્ય  શું છે ?
  એ ઘરડા વ્યક્તિએ જવાબ આપ્યો "" અસત્ય એ છે કે, જીવનના અમુક પદવ પર તમે તમારી જીંદગી પરનો કાબુ ગુમાવી દ્યો છો. અને બધું નશીબ પર ઢોળી દ્યો છો. આ નશીબ જ દુનિયાનું સૌથી મોટું જુઠ છે" 
• "કોઈ પણ માણસ તેના સ્વપ્નો પુરા કરવા હમેશા સક્ષમ હોઈ છે "
• "એક જ એવી વસ્તુ છે જે તમને કાઈ પણ મેળવતા રોકે છે , એ છે અસફળતાનો ડર"
• "કઈ પણ શીખવા માટે એક જ ઉપાય છે , કર્મ " 
• "સંજોગો જેવું કાઈ હોતું જ નથી. તમારે શું કરવું છે એ હમેશા તમારા પર નિર્ભર કરે છે " 
• "જો તમેં તમારા વર્તમાન પર જ ધ્યાન કેન્દ્રિત કરશો તો હમેશા ખુશ રહેશો. તમારું જીવન એક ઉત્સવ જેવું રહેશે, ભવ્ય ઉત્સવ કારણ કે જીવન આ જ ક્ષણમાં છે. 
• "સામાન્ય વસ્તુઓ પણ અસામન્ય હોઈ છે, માત્ર બુદ્ધિશાળી વ્યક્તિઓ જ એને પરખી શકે છે." 
• "પ્રેમ કરવા માટે કોઈ કારણની જરૂર હોતી નથી. જો કોઈ કારણ હશે તો એક દિવસ એ કારણ નહિ રહે અને પ્રેમ પણ ! "

હજુ આ "એલ્કેમિસ્ટ " બુક ના વાંચી હોઈ તો એકવાર જરૂરથી વાંચજો.

બીજી બુક્સના રીવ્યુ વાંચવા અહી ક્લિક કરો
બીજા સરસ  આર્ટિક્લસ વાંચવા અહીં ક્લિક કરો 
"પ્રેમ" પરના આર્ટિકલ્સ વાંચવા અહીં ક્લિક કરો 

બુક રીવ્યુ - "નોર્થ પોલ" by Jitesh Donga

Follow Me on Twitter -
Follow @Er_ASP

નોર્થપોલ એ Jitesh Donga ની બીજી નોવેલ છે. એમની પ્રથમ નોવેલ "વિશ્વમાનવ" ને વાંચકો તરફથી ઘણો જ પ્રેમ મળ્યો 

નોર્થ પોલ - વાત એક યુવાનની આત્મખોજની.. કવરફોટો ઉપરથી જ ખબર પડી જાય કે કોઈ યુવાન હશે એને જીંદગીમાં કાઈ કરવું ગમતું નહિ હોઈ અને ગમતું કામ ગોતવા કે પોતે કોણ છે એ શોધવા નીકળી જતો હશે. હા વાર્તા આવા જ એક "એન્જીનીયર" યુવાનની છે. દુનિયાભરમાં ઘણા લોકો આ સમસ્યાથી પીડાય છે. જયારે વાંચો ત્યારે સ્ટોરી પોતીકી લાગશે. 

સ્ટોરી વિશે  વધુ નથી કહેવું. એ તો તમારે વાંચવી જ પડશે. સ્ટોરી તમને પેલે થી છેલ્લે સુધી જકડી રાખે આવી છે. પણ જે લેખક "રામ" અને "મુશ્કાન" ની બેસ્ટ  લવ સ્ટોરી   લખી ચુક્યો હોઈ એની પાસે બીજી બુક માં વધુ આશા હોઈ. પણ અહી  જે લવસ્ટોરી છે એમાં એ રામ અને મુશ્કાન વાળું "ફિલ" નથી. 

મેં વિશ્વમાનવ મને શા માટે ગમી હતી એ મારા પહેલા પોસ્ટના રીવ્યુમાં લખ્યું હતું - 

"મને ખબર હતી આ ભાઈ એન્જીનીયર છે એટલે થયું કે ભાઈએ  થોડી ફિલોસોફી ઠોકી હશે. પોતાની જાત ને લેખક બનાવવા અને "હિટ" સાબિત કરવા ક્યાંક થી એકાદ સ્ટોરી પકડી ને એમાં સેક્સ નું વર્ણન   , ગાળા ગાળી વગેરે સારી રીતે લખી ને મોસ્ટ ઓપન માઈન્ડેડ "યુવા લેખક " બનવા ની ટ્રાય કરી હશે . એટલે પહેલા આ બુક વાંચવાનું મન જ નોતું થતું. એમાં પણ પછી આંખ નાં નબર ઉતરાવ્યા હોઈ નાં વાંચી શક્યો .  પછી સીધા જ કોઈ રીવ્યુ વાંચ્યા વગર બુક વાંચવાની શરૂઆત કરી ."   (વિશ્વમાનવનાં રીવ્યુ વાંચવા અહી ક્લિક કરો )  

પણ આ નોવેલમાં  એને એ જ કર્યું છે. કારણ વગરની ગાળો, પરાણે સેક્સ નું વર્ણન, ખબર નહિ "બિન્દાસ" , "ઓપન માઈન્ડેડ" કે "આધુનિક" લેખક ગણાવવા આવું બધું વધારે પડતું લખવું પડતું હશે. 

હવે બુક વિશે અને સ્ટોરી વિશે- પહેલા કહ્યું એમ સ્ટોરી પેલેથી છેલ્લે સુધી જકડી રાખે એવી છે. ઘણું શીખવા જેવું છે. જેમ જેમ બુકવાંચો એમ સ્ટોરીમાં એક ગંભીરતા આવતી જાય છે. સ્ટોરી તદન અનએક્સ્પેક્ટેડ છે.  ક્યારે ક્યાં પાત્રની એન્ટ્રી થશે એ કલ્પના પણ નાં કરી શકો. અમુક ફન્ની વન લાઈનર્સ  મસ્ત છે. અમુક વાત જીંદગીમાં ઉતારવા જેવી છે. કેટલીક વાતો ગંભીર અને મેચ્યોર છે. પણ ક્યાંક ને ક્યાંક એવું લાગ્યા કરે છે સ્ટોરીનું જોઈએ એવું વર્ણન નથી થયું. (નવા વાંચકોને આવું નહી લાગે). 

હા હજુ એક વાત, ઘણા લેખકો બીજાઓની વાર્તાઓમાંથી કન્સેપ્ટ ચોરતા હોઈ છે અહી Jitesh Donga એ પણ એવું જ કર્યું છે, પોતાની જ બુક વિશ્વમાનવમાંથી અમુક  કન્સેપ્ટ ચોર્યા છે. જેમ કે બંને સ્ટોરીમાં એક રખડતા, પાગલ છોકરા ને કોઈ સાવ અજાણી જ છોકરી ઘરમાં લાવે છે !!. સ્ટોરી અમુક અમુક જગ્યાએ મને વિશ્વમાનવનો બીજો ભાગ લાગતી હતી. પણ ના , સ્ટોરી ઘણી અલગ છે. 

સ્ટોરી બેસ્ટ છે. જાજા બધા પાત્રો પણ નથી કે ભૂલી જાય કોણ શું  કરતું હતું :D . જો તમે ક્યારેય નોવેલ નાં વાંચી હોઈ અને ફર્સ્ટ નોવેલ વાંચવા માંગતા હોઈ તો હું આ "નોર્થપોલ" જ સજેસ્ટ કરીશ.એકવાર જરૂરથી વાંચવા જેવી. અને હા , આ બુક એકદમ ફ્રી છે. તો તમે ફ્રી માં ડાઉનલોડ કરીને વાંચી શકો. અને ગમે તો તમે પેએટીએમ કે અન્ય માધ્યમથી ડોનેટ ભી કરી શકો .         

નોર્થ પોલ  ફ્રી માં વાંચવા માટે અહી ક્લિક કરો.
વિશ્વમાનવ  ફ્રી માં વાંચવા માટે અહી ક્લિક કરો . 
(ટ્રસ્ટ મી,બંનેની  સ્ટોરી બોવ જ મસ્ત છે. )

મેં વાંચેલી અન્ય બુક્સનાં રીવ્યુ માટે અહી ક્લિક કરો 

The Monk Who Sold His Ferrari બુકમાંથી શીખવા જેવી ૧૦ વાતો

Follow Me on Twitter -
Follow @Er_ASP

The Monk Who Sold His Ferrari બુક બે વકીલોની વાતચીત છે. જેમાં એક વકીલ જુલીયન રૂપિયા અને પોપ્યુલારીટીના ચક્કરમાં આખી જીંદગી અને એની તબિયત વેડફી નાખે છે. જયારે ગંભીર બીમારીથી એ મરતા મરતા  બચે છે ત્યારે એને જીવનની નાનીનાની ખુશીઓ અને તબિયતનું મહત્વ સમજાય છે. તે જીવન નો રાઝ જાણવા માટે ભારત આવે છે અને શિવાયનાં સંતો સાથે સમય પસાર કરે છે અને "સુખી, સમૃદ્ધ અને તંદુરસ્ત જીવનનું" જ્ઞાન પ્રાપ્ત કરે છે.  જુલીયન આ જ્ઞાન તેમના મિત્ર અને જુનિયર વકીલને  આપે છે. તો વાંચો The Monk Who Sold His Ferrari બુકમાંથી શીખવા જેવી ૧૦ વાતો -

The Monk Who Sold His Ferrari બુકમાંથી શીખવા જેવી ૧૦ વાતો વિડીયોમાં -

૧. મનને વશ કરો -
તમારા જીવનની ગુણવતા તમારા વિચારોની ગુણવતા પર આધારિત છે. તમારા મનને કેળવો.

2. સુખનું રહસ્ય સરળ છે તમારું મનપસંદ કામ કયું છે એ શોધી કાઢો અને તમારી તમામ શક્તિ એ કામ માં લગાડી દો.

૩. ઉદેશ્ય ને અનુસરો -
તમારા જીવનનું લક્ષ્ય શું છે એ શોધો. એ પ્રાપ્ત કરવાથી જીવનમાં સંતોષ મળે છે.

૪. બાહ્ય સફળતા આંતરિક સફળતાથી મળે છે

૫. ડર સામે લડો. આ દુનિયા શુરવીરોને પૂજે છે.જીવન ને ઉચ્ચસ્તર પર લઇ જવાનો શૂરવીરતા પૂર્વક સંકલ્પ કરશો તો તમારી આત્મા તમને અંદરથી માર્ગદર્શન આપી તમને શ્રેષ્ડ સ્થાને પહોચાડશે.

૬. કુદરતી સૌન્દર્યને ક્યારેય અવગણશો નહિ.  કુદરતી સૌન્દર્ય અંદરથી પ્રસન્નતા આપે છે.

૭ .અનુશાશનપૂર્ણ જીવન -
જીવનમાં અનુશાશન જરૂરી છે. તમે જેટલું અનુશાષિત જીવન જીવશો એટલું તમે તમારા મન પર વધુ કાબુ કરી શકશો.

૮. તમારા સમયનો આદર ક્રરો -
રેતીના કણની જેમ સમય હાથમાંથી સરકતો જાય છે.અને તે ક્યારેય પાછો ફરતો નથી. જે નાનપણથી સમયનો સદુપયોગ છે તે આબાદ, ફળદાઈ અને સંતોષકારક જીવન જીવે છે.

૯. લોકોની નિષ્કામ સેવા -
તમારા જીવનની ગુણવતા તમારા યોગદાનની ગુણવતાને અનુરૂપ હોઈ છે. લોકો ને આપવું એ એક ઉમદા કામ છે જે તમે સહેલાયથી કરી શકો છો. કોઈકના જીવનમાં મદદરૂપ થવાથી તમને આત્મસંતોષ અને પરમશાંતિનો અનુભવ થાય છે.

૧૦. વર્તમાન ગળે લગાડો -
વર્તમાનમાં જીવો. વર્તમાનની અનુપમ દેન નો આનદ ઉઠાવો.

--------
(આ બુકનો ગુજરાતી અનુવાદ એટલો સારો નથી. અંગ્રેજીમાં વાંચવું વધુ સારું રહેશે)

બીજા બૂક-રીવ્યુસ વાંચવા અહી ક્લિક કરો   

ઈમોશન્સ, ફીલિંગ્સ - માણસ ને માણસ બનાવતી લાગણીઓ

Follow Me on Twitter -
Follow @Er_ASP

લોકો કહે છે કે માણસ માટીનો બનેલો છે. પણ મારું માનવું છે કે માણસ લાગણીઓનો બનેલો છે. માણસને અન્ય પ્રાણીઓથી જુદું પડતું કૈક હોઈ તો એ છે લાગણીઓ. જો કે એવું નથી કે પ્રાણીઓને લાગણી નથી હોતી, કુતરાઓ વફાદાર હોઈ છે, ખુશી અને દુખ વ્યક્ત કરે છે. ગાય- બળદને પણ રડતા જોયા છે. પણ પ્રાણીઓ કરતા માણસો પાસે વધુ લાગણીઓ છે. માણસો લાગણીને બોલીને વ્યક્ત કરી શકે છે.

આ લાગણીઓ અદભૂત ચીઝ છે. લાગણી વગરનો માણસ (જેને જડ કહી શકો) એટલે રોબોટ જ બની જાય. લાગણીઓ પણ કેટલા પ્રકારની હોઈ છે પ્રેમની , ખુશીની, હાસ્યની, દુખની, એકલતા, ભય, ગુસ્સો  વગેરે વગેરે  આટલી બધી લાગણીઓને કેમ સંભાળવી? કેવી રીતે એક્સપ્રેસ કરવી?  બધી જગ્યાએ, બધા વ્યક્તિઓની સામે બધી લાગણીઓ વ્યક્ત નાં કરી શકાય. જેમ કે તમે કોઈના બેસણામાં હોઈ અને તમને કૈક સારા સમાચાર મળે તો ડિસ્કો નાં કરવા મંડાય. 

લોકો બીજાની લાગણીઓ સાથે રમે છે. પ્રેમની જુઠી લાગણી બતાવીને વિશ્વાસ તોડે છે જેને સાવ સાદી ભાષામાં દગો કહેવાય. તો અમુક લોકો લાગણીઓને છુપાવે છે. કોઈને પ્રેમ કરતા હોઈ તો પણ આખી જીંદગી કહી શકતા નથી. ગુસ્સે થયા હોઈ તો પણ નોર્મલ બિહેવ કરતા હોઈ છે. શું લાગણીઓ ને સંતાડવી જોઈએ ? ખાલી સામેવાળા વ્યક્તિને નહિ ગમે એવું માનીને તમે લાગણી વ્યક્ત નાં કરો અને અદર ને અદર જ દબાવી રાખો તો શું થાય? કહેવાય છે કે લાગણીઓ માણસને અંદરથી કોરી ખાય છે. લાગણીઓને સંતાડવી નાં જોઈએ, ખાસ કરીને તમારા સૌથી નજીકના લોકોને જે અંદરથી વ્યકત થાય એ વ્યક્ત કરવું જોઈએ. એ તમને અંદરથી હળવાફૂલ બનાવી દેશે. 

જો કોઈ વ્યક્તિ કે વસ્તુના લીધે તમને અંદરથી ખરાબ લાગણીઓ ફિલ થતી હોઈ, એ વસ્તુ કે વ્યક્તિ વિશેની લાગણી  તમે તમારા નજીકના વ્યક્તિને  નાં બતાવી શકતા હોઈ તો આવી વ્યક્તિ કે વસ્તુને ભૂલીને, ગમે એટલી મજબુરીમાં પણ દુર થઇ જવું જોઈએ. નેગેટીવ ઈમોશન્સ માણસને સૌથી વધુ પરેશાન કરે છે. રોજ રોજ અંદરથી  મારે છે. પણ જો આ ઈમોશન તમે તમારી કરીબી વ્યક્તિને વ્યક્ત કરીને સમજાવી શકો અને એ તમને સપોર્ટ કરે, તમને સમજી શકે તો આવા ઈમોશન્સથી ઝડપથી દુર જઈ શકાય છે. 

મારી લાગણીઓ વિશેની લાગણી તો વ્યક્ત કરી દીધી. તમારી લાગણી માટેની શું લાગણી છે એ કમેન્ટમાં જણાઓ. (ઈમોશન્સ અને ફીલિંગ અલગ વસ્તુ છે પણ અહી બંને માટે લાગુ પડે છે)

મારી બીજી પોપ્યુલર પોસ્ટ્સ - 

• શોર્ટ સ્ટોરી - જન્નતની હુર 
• એ હવે આપને નક્કી કરવાનું છે 
પ્રેમ - અઢી અક્ષર કરતા થોડું વધુ !