આર્ટીકલ ઈમેઈલમાં મેળવવા તમારું ઈમેઈલ સબમિટ કરો

ગણેશ ચતુર્થી - અગલે બરસ તુજે આના હી હોગા

Follow Me on Twitter -


Click here to Follow Me on Instagram


ગણેશ ચતુર્થી (કે વિનાયક ચતુર્થી ) આમ તો મહારાષ્ટ્ર નો તહેવાર છે પણ આજકાલ ગુજરાત સહીત આખા દેશ માં અતિ ઉત્સાહ થી ઉજવાય છે. અમે નાના હતા ત્યારે પરીક્ષા માં જોડકા જોડો આવતું . એમાં એકબાજુ તહેવારો નાં નામ હોઈ અને બીજી બાજુ રાજ્યો નાં નામ.  ગુજરાત માટે નવરાત્રી , મહારાષ્ટ્ર માં ગણેશ ચતુર્થી, કેરલ માં ઓનમ વગેરે. પણ હવે ગણેશ ચતુર્થી બધા રાજ્યો નો તહેવાર થઇ ગયો છે. લોકો લગભગ ઘરે ઘરે ગણેશ નું સ્થાપન કરે છે અને અમુક દિવસો પછી વિસર્જન કરે છે.

2003-04 સુધી તો ગુજરાત માં ગણેશ ચતુર્થી નો બોવ કાઈ મહત્વ નાં હતું। એમાં પણ અમે ગામડે રહેતા એટલે અમારી ગણેશ ચતુર્થી અલગ જ રહેતી। બપોરે ચોખ્ખા ઘી માં લથપથતા  લાડુ બને. મમ્મી લાડુ ને ગણેશ જી ને ચડાવે પછી જ ખાવા દ્યે ( જેને જારણ   કહેવાય ).  

પહેલીવાર ગણેશચતુર્થી નો જગમગાહટ  હૈદરાબાદ માં જોયો। વિસર્જન વખતે 500-700 ટ્રક માં મોટી મોટી મૂર્તિઓ! એકદમ મસ્ત , લોકો પોતપોતાની થીમ માં ગણેશજી નો રથ બનાવી નીકળતા હતા. હજી મુંબઈ અને મહારાષ્ટ્ર માં તો માહોલ કેવો હશે એની કલ્પના જ કરવી રહી.

પણ આજકાલ અહી વધુ પડતું થતું હોઈ એવું લાગે છે. લગભગ દરેક શેરી નાં ખૂણે ગણેશજી નાં સ્થાપન છે।  મોટી મોટી મૂર્તિઓ લાવે, પછી લોકો પાસે થી જબરદસ્તી ફાળો ઉઘરાવે। મંડપ માં હાઈ  ફાઈ ડીજે લગાવે અને આખો દિવસ આશિકી થી માંડી ને પિંક લીપ્સ સુધીના ગીતો વગાડી ને ગણેશબાપા  ને જલસા કરાવે। હદ હોઈ યાર રાતે 12 વાગે , ફૂલ લાઉડ સ્પીકર કોલાવારી ડી વગાડવા ની શું જરૂર યાર ? આજુબાજુ માં કોઈ બીમાર હોઈ , કોઈ ની પરીક્ષા ચાલતી હોઈ , નાના છોકરાવ ને સુવું હોઈ ! આવું વિચારે તો સાચા ગણેશભકતો શેના !   પ્રસાદ માં પણ પાણીપુરી , દાબેલી વગેરે। ગણેશજી ખાય કે નાં ખાય , બાપા નાં નામે અને બીજા નાં ફાળે જલસા કરવા માટે તહેવાર ઉજવતા હોઈ એવું લાગે।
પ્રાર્થના ની બદલે " તપેલી માં શીરો , ગણપતિ બાપા હીરો " જેવા જોડકણા  ચાલતા હોઈ ત્યાં ગણેશજી ખુદ કંટાળી ને ઉંદર હાથ માં નો આવે તો સિટીબસ પકડી ને ભાગી જાય.


છો જે હોઈ તે , તહેવાર છે હમણાં પતી  જશે , ફરી થી અગલે બરસ તુજે આના હી હોગા ( નહિ આવે તો અમે પકડી ને લાવીશું ).

Comment with Facebook