આર્ટીકલ ઈમેઈલમાં મેળવવા તમારું ઈમેઈલ સબમિટ કરો

દિવાળી ના ધુ-કચરા !

મને ટવીટર પર ફોલો કરો -


મને ઇન્સ્તાગ્રામ પર ફોલો કરો

----------------------------


દિવાળી આવે એટલે લોકો ના મગજ માં ફટાકડા ,રંગોળીઓ ,દીવાલો વગેરે દોડવા લાગે, પણ દિવાળી ની સાથે સાથે આવતા “ધુ- કચરા” ને લોકો ભૂલી જ જાય . અરે બિચારા ને દિવાળી પર નાં નિબંધ કે આર્ટીકલ માં પણ સ્થાન નાં મળે. તમે માનો કે નો માનો મેં દશમાં ધોરણ ની ટેસ્ટ પરીક્ષાઓ માં “દિવાળી “ પર નાં નિબંધ માં ૨ ફકરા “ધુ કચરા “ વિષે લખ્યા હતા અને એના લીધે મેડમે અડધા માર્ક્સ કાપી લીધા હતા. જેને ખબર નાં હોઈ એને કહી દવ “ધુ- કચરા” એટલે દિવાળી પહેલા ની પૂર્વ સફાઈ.
અમારા ઘર માં થોડું ઉલટું , ધુ કચરા ની શરૂઆત પાપા કરે. ગાભો લઇ ને ટીવી સ્ટેન્ડ , ડીવીડી , સ્પીકર્સ વગેરે સાફ કરવા માંડે એટલે સમજી જવાનું કે “ધુ કચરા” નું આગમન ઘર માં થઇ ગયું છે. પછી મમ્મી  રસોડા ની બરણીઓ થી ચાલુ કરે. હવે એટલી બધી બરણીઓ ને એકલા હાથે કેમ સાફ કરવી એટલે આપણને  બોલાવે  “ મને ટેબલ પર ચડી બરણીઓ ઉતારી દે તો “. અમે બેય ભાઈ આળસુ નાં પીર, એકબીજા સામે જોઈ ને “એલા તને કયે છે, તને નજીક થાય તું જા (બેય એક જ સેટી પર જ બેઠા હોઈ) “. માંડ માંડ મોટા હોવા નાં નાતે આપણે જઈએ ત્યાં બરણીઓ ઉતરાવી ને તરત જ કયે આમાં અડધા માં ગાભો મારી દે ને. ત્યાં સામે આર્ગ્યુમેન્ટ ચાલુ થાઈ “ મેં બરણીઓ ઉતારી તો દીધી , હવે પેલા રાજકુમાર ને કે “ આમ માંડ માંડ કરી ને રસોડું સાફ થાય.

હું નાનો હતો ત્યારે મને સૌથી મજા ઘરનું માળિયું સાફ કરે એમાં આવતી.(માળિયું એટલે ?). ગામડા નાં ઘર માં મોટું માળિયું હતું . જયારે એ સાફ કરીએ ત્યારે એમાંથી ઘણા બધા જુના રમકડા અને જૂની વસ્તુઓ નીકળે, જાણે ખજાનો મળી જાય!  એક વાર આવી રીતે માળિયા માંથી “ઈલેત્રિક અગરબત્તી મળેલી”.( અગરબતી જેવા સ્ટીક્સ ની ઉપર નાની લાઈટ્સ હોઈ ). ખરાબ થઇ ગયેલી એટલે ઉપર ફેકી દીધેલી. મેં સાફ સફાઈ કરતા કરતા એને અલગ કાઢી ને રાખી દીધી. બીજે દિવસે બંદા મહાન ઈલેક્ત્રીશિયન ની જેમ રીપેર કરવા બેઠા. રીપેર કરી ને ચાલુ કરી , મસ્ત ચાલુ થઇ ગઈ. જાણે ઈલેત્રિક એન્જીનીયર બની ગયો હોઈ એવી ફીલીંગ આવી. પણ એનું સ્ટેન્ડ બરાબર નોતું તો હું સરખું કરવા ગયો , ત્યાં જીવતો તૂટેલો વાયર હતો ..!! પત્યું જોરદાર નો આંચકો લાગ્યો , અને ઘર નો ફ્યુઝ ઉડી ગયો એમાં બોવ કાઈ ના થયું” ( તે દિવસ થી ઈલેત્રિક રીપેરીંગ નું થોડું ઓછું કર્યું છે )

ત્યાર ની વાત તો અલગ જ હતી. હવે જનરલ વાત કરીએ તો આજકાલ ની નવી જનરેશન ને આ “ધુ કચરા” માં બોવ જ પ્રોબ્લેમ થાય છે. હવે તમે જ કહો “ સ્ટુલ કે ટેબલ પર ચડી ને સફાઈ કરતા કરતા વોટ્સ અપ કે ફેસબુક માં રીપ્લાય કેમ કરવા ?” એમાંય આજુ બાજુ માં મમ્મી આંટા મારતી હોઈ.   

બિચારા વોટ્સ અપ વાળાઓ ની તો હાલત આવી થઇ જાય -
છોકરો – જાનું , એક સેલ્ફી મોકલ ને ..
છોકરી – ના અત્યારે નહિ પ્લીઝ ..
છોકરો – એવું શું કરસ
છોકરી – મમ્મી બોલાવે છે બાય ... પછી કરું.
(હવે એમ કેમ કહેવું કે સ્ટુલ પર ચડી ને પંખો સાફ કરું છુ :
D )

ધુ કચરા ની સૌથી મજાની વાત એ છે કે જૂની ભુલાય ગયેલી ઘણી વસ્તુઓ મળી રયે. અમુક વસ્તુઓ ભંગાર માં આપવા અલગ કાઢી હોઈ ત્યાં ઘર નું કોઈક આવી ને અમુક વસ્તુઓ પછી રાખી દ્યે. (આવતી દિવાળી એ કૈક તો જોઈએ ને સાફ કરવા !!). અમુક વસ્તુઓ આજુબાજુ વાળા આવી ને  લઇ જાય. અમુક જૂની ગિફ્ટ્સ કે ફોટો મળી આવે એમાં પતિ પત્ની ને એમના દિવસો યાદ આવી જાય કે માહોલ બની પણ જાય. (અને એ ગીફ્ટ કે ફોટો બીજા કોઈ નો હોઈ તો માહોલ બગડી પણ જાય ).
તો હાલો દિવાળી આવે છે , બધા લાગી પડો ... !!   


* સુતળી બોમ્બ *

છોકરી – હાઈ , હું ઘરે એકલી છું . મમ્મી પાપા બહારગામ ગયા છે. આવી જા .
છોકરો – ના , રેવા દે .. લાસ્ટ ટાઈમ આમ જ બોલાવી ને તે આઘા ઘર નાં “ધુ કચરા” કરાવ્યા હતા !

Comment with Facebook