આર્ટીકલ ઈમેઈલમાં મેળવવા તમારું ઈમેઈલ સબમિટ કરો

ફેસબુક ના પાપ અને પુણ્ય !!

Follow Me on Twitter -


કોઈ પણ ધર્મ માં જોશો તો ક્યાંક ને ક્યાંક પાપ અને પુણ્ય નો ઉલ્લેખ છે. સારા કર્મો , કોઈક ને ખુશી આપવી વગેરે પુણ્ય નાં કામ છે જયારે કોઈ ને હેરાન કરવા , ખરાબ કર્મો વગેરે પાપ છે. આ જ સિધ્ધાંત ફેસબુક માં પણ લાગુ પડે છે , ફેસબુક માં પણ અમુક એવા કાર્યો  કરો તો પાપ લાગે અને અમુક એવું કરો તો પુણ્ય મળે.

ફેસબુક


તમને ખબર નહિ હોઈ પણ ફેસબુક શાસ્ત્ર માં લખ્યું છે કે ફેસબુક પર કોઈક ફ્રેન્ડ પ્રોફાઈલ પીક ચેન્જ કરે ને તમે જોઈ ને લાઈક કર્યા  વગર જતા રહો તો તમને કોઈક ની હત્યા કરવા જેટલું પાપ લાગે છે. આ જ શાસ્ત્ર નાં  ભાગ બે નાં ચોથા પ્રકરણ નાં પહેલા ફકરા માં લખ્યું છે કે , કોઈ ને ગુડમોર્નિંગ નાં મેસેજ માં કે પોતાના પ્રોફાઈલ પીક માં ટેગ કરવા થી  કે કોઈ ની પોસ્ટ ચોરી કરવાથી ચોરી કે લુંટફાટ  કરવા જેટલુ જ પાપ લાગે છે.  આજ પ્રમાણે ગ્રુપ માં જબરદસ્તી કોઈ ને એડ કરવા એ કોઈ ને માર મારવા થી ઓછું પાપ નથી ! 

ફેસબુક પર સૌથી મોટું પાપ હોઈ તો એ છે છોકરી નાં નામનું ફેક આઈડી બનાવી ને બિચારા "નિર્દોષ " છોકરાઓ ને હેરાન કરવા. આ પાપ સાત જન્મો સુધી ધોવાતું નથી. શાસ્ત્ર માં તો ત્યાં સુધી લખ્યું છે કે આવા પાપ કરવાવાળાઓ ને નર્ક માં ઈન્ટરનેટ કે સ્માર્ટફોન આપ્યા વગર વર્ષો સુધી એક કમરમાં બંધ કરી રાખવા માં આવે છે. આ પાપમાંથી ત્યારે જ મુક્તિ મળે છે જો તમે 10 હોટ  સુંદર  છોકરીઓ ને  બહેન બનાવો અને ફેસબુક પર તમારા ઓરીજીનલ આઈડી પર કન્ફેસ કરો કે "પ્રિયા ફલાણી " વાળું આઈડી  બીજા કોઈ નું નહિ પણ મારું જ છે !!

બાકી ફેસબુક મેસેજ બોક્ષ માં કામ વગર મેસેજ કરી ને લોકો ને હેરાન કરવા , કોઈ ની સરસ મજાની પોસ્ટ વાચ્યા પછી પણ લાઈક નાં કરવી. કોઈ પોસ્ટ નાં ગમી હોવા છતાં "વાટકી વહેવાર " નાં લીધે લાઈક કરવી વગેરે નાના મોટા પાપ જ છે. જો ભૂલ થી પણ આવું પાપ થઇ ગયું હોઈ તો "ઓમ માર્ક ઝુકાર્બર્ગાય નમ: " નાં હજાર જાપ કરવા થીં પાપમાંથી મુક્તિ મળે છે.

તમે જો સજજન વ્યક્તિ હોઈ તો ફેસબુક પર પુણ્ય નાં કામ પણ કરી શકો છો.  ફેસબુક શાસ્ત્ર માં પુણ્ય કમાવા ની હજારો રીતો દર્શાવી છે. તમે જ વિચારો કોઈકે પોતાનો પ્રોફાઈલ પીક નવો મુક્યો હોઈ અને  20-30 મિનીટ થી કોઈએ લાઈક નાં કર્યો હોઈ ત્યારે એને કેવું થતું હશે !! ત્યાં જ તમે જઈ ને લાઈક નું બટન દબાવી નીચે "નાઈસ પીક " ની કમેન્ટ કરો તો  તરસ્યા ને પાણી પાવા થી પણ હજાર ગણું પુણ્ય મળે છે. આજ વાત કોક સારી પોસ્ટ માટે પણ લાગુ પડે છે.

આ ઉપરાંત કોઈક નાં સારા પેજ નાં ઇન્વીટેશન નો સ્વીકાર કરી તમે પુણ્ય કમાઈ શકો છો. કોઈ ની જૂની પોસ્ટ શોધી એને લાઈક કરી પાછી ટાઈમ લાઈન પર લાવવી એ પણ કોઈ મરેલા ને જીવતો કરવા થી ઓછું પુણ્ય નથી ! કોઈ નાં મેસેજ નો સરખો  જવાબ આપવો, સારી પોસ્ટ ને શેર કરવી વગેરે પુણ્ય નો ઉલ્લેખ શાસ્ત્રો માં થયેલો છે. કોઈ નાં કોપી કરેલ સ્ટેટસ માં નીચે એમને ક્રેડીટ આપવા થી શ્રાદ્ધ માં કાગડા ને ખીર ખવડાવવા જેટલું પુણ્ય મળે છે.   

તમે પણ આ પોસ્ટ ને નીચેના કોઈ બટન પર ક્લિક કરી લાઈક કે શેર કરી થોડું ઘણું પુણ્ય કમાઈ શકો છો. બાકી વાંચી ને હસી ને એમનમ નીકળી જાવા વાળાઓ ને આવતા જન્મ માં કોઈ છોકરી (કે છોકરો) ભાવ નહિ આપે એવું પાપ લાગી શકે !!  

Best Gujarati Videos