રક્ષાબંધન સ્પેશીયલ - એ બહેન હોય છે ...

આ રક્ષાબંધન પર ભાઈ બહેનના પ્રેમને શબ્દો આપતો આ મારો નાનકડો પ્રયાસ છે. ગમે તો જરૂરથી શેર કરજો.

એ બહેન હોઈ છે યુ ટ્યુબ વિડીઓ -

મમ્મી પાપા પાસે તમારી ફરિયાદો કરે પણ જયારે મમ્મી પાપા વઢે ત્યારે તમારો પક્ષ લેનારી

એ બહેન હોય છે ...

તમે એની સંતાડેલી ચોકલેટ છુપાઈ ને ખાવ છો એ જાણવા છતાં એ ચોકલેટ પાછી એ જ જગ્યાએ સંતાડે

એ બહેન હોય છે ..

વાત વાતમાં તમને ચીડવે પણ જયારે બીજું કોઈ તમને ચીડવે ત્યારે એને ખીજાવાવાળી

એ બહેન હોય છે ...

જમવાનું બનાવતા શીખતી વખતે, નવી નવી ડીશોનું તમારા પર એકપેરીમેન્ટ કરવાવાળી

એ બહેન હોય છે ...

તમારા લુકની મજાક ઉડાવનારી એ જયારે તમે તૈયાર થતા હોઈ ત્યારે બ્યુટી ટીપ્સ આપવાવાળી

એ બહેન હોય છે ..

જયારે તમને કોઈ છોકરી ગમી જાય ત્યારે તમારી સાથી પહેલી લવ ગુરુ બનનારી

એ બહેન હોય છે ...       

ભલે તમારા કરતા એ પપ્પાને વધુ પ્રેમ કરતી હોય , પણ એના પતિ કરતા તમને વધુ પ્રેમ કરવાવાળી

એ બહેન હોય છે...

ભલે જીંદગીમાં ક્યારેય તમે રડ્યા નાં હોઈ પણ એની વિદાય વખતે તમને રડાવનારી

એ બહેન હોય છે ...

ગમે એટલે દુર રહેતી હોય પણ રક્ષા બંધને સમયસર રાખડી મોકલનારી

એ બહેન હોય છે ...

- અંકિત સાદરીયા. 

આ સાલી જીંદગી પેજ ફેસબુક અને ઇન્સ્તાગ્રામ પર જરૂરથી ફોલો કરજો. યુટ્યુબ ચેનલ પણ સબસ્ક્રીબ કરજો .