નાનપણની સાદીસરળ એ દિવાળી

દિવાળી ઉપર તો જેટલા નિબંધ લખીએ એટલા ઓછા, હિન્દૂ ધર્મ માટે આ સૌથી મોટો તહેવાર અને ઉપરથી ગુજરાતીઓ માટે તો વર્ષનો છેલ્લો દિવસ પણ. નાનપણની દિવાળીની યાદો પર તો પુસ્તક લખી શકાય પરંતુ અહીં થોડાક વાક્યો  લખવાનો પ્રયત્ન કર્યો છે - 

 નાનપણની સાદીસરળ એ દિવાળી,

નવા કપડાંથી ખુશખુશાલ એ દિવાળી,

પાપાને મળતા બોનસની માલામાલ એ દિવાળી

મીઠાઈઓની સોડમથી મઘમઘતી એ દિવાળી,

ઘીના દીવડાઓની ટમટમાતી એ દિવાળી,

ચાંદલીયાઓના ટકટકાટકની એ દિવાળી,

ફુલઝર પકડીને ખીલખીલાતી એ દિવાળી,

ચિરોડી કલર રંગોળીની ચકમકતી એ દિવાળી,

ઘરના લીપણથી લથપથતી એ દિવાળી,

નાનપણની સાદીસરળ એ દિવાળી.

શુભ દીપાવલી

~ અંકિત સાદરીયા

સૌને દિવાળીની શુભેચ્છાઓ.