બુક રીવ્યું - અંગદનો પગ - હરેશ ધોળકિયા

આ પુસ્તક વિષે ફેસબુકમાં સાંભળેલું, લાઈબ્રેરીમાં ગયો તો ત્યાં કોઈએ રિટર્ન કરેલ પુસ્તકમાં આ પુસ્તક જોયું. "અંગદનો પગ" ટાઇટલ વાંચીને થયું કે આ પુસ્તક રામાયણના કોઈ અજાણ્યા પ્રસંગ પર હશે. થોડી પ્રસ્તાવના ત્યાં જ વાંચી તો થોડું અલગ લાગ્યું. આ પુસ્તક ઇસ્યુ કરી લીધું. આ પહેલા મેં લેખક હરેશ ધોળકિયા વિષે બહુ સાંભળ્યું નહોતું. સર્ચ કરતા ખબર પડી કે અત્યાર સુધી તેમની ચાર નવલકથા, ૪૬ લેખ સંગ્રહ, ૨૪ અનુવાદ અને ૨૯ સંપાદન અને સંકલન પ્રકાશિત થઇ ચૂકયાં છે.

આ વાર્તાનો મૂળ કોન્સેપ્ટ રશિયન થીયેરી "ફર્સ્ટ રેટર" અને "સેકન્ડ રેટર્સ"ની થીયેરી પર છે. પુસ્તકની વાર્તા બે શિક્ષકોની વાર્તા છે. આ ફર્સ્ટ રેટર લોકો અસામન્ય હોય છે અને દુનિયાને ઘણું નવું આપે છે પરંતુ આ દુનિયા સામાન્ય લોકો એટલે કે સેકન્ડ રેટર્સ છે. કિરણ દવે એક સામાન્ય શિક્ષક છે જે પોતાની મહેનત અને કાવાદાવાથી ઘણું કમાણો  છે જયારે બીજો શિક્ષક જ્યોતીન્દ્ર શાહ છે જે અંદરથી અસામાન્ય છે, એ પોતાની મોજમાં જીવે છે. પહેલો શિક્ષક આ બીજા શિક્ષકથી જલે  છે, એને આ અસામન્ય શિક્ષક નથી ગમતા. આ બંનેનો એક વિદ્યાર્થી જે મોટો ડોક્ટર બની ગયો છે, એ પહેલા શિક્ષકની ડાયરી વાંચે છે જેમાં એના જીવનના બધા પ્રસંગો છે. 

આ આખી વાર્તા પહેલેથી છેલ્લે સુધી પકડી રાખે એવી છે, વળી પુસ્તક બહુ લાંબુ પણ નથી. આ પુસ્તક નાના નાના પ્રસંગો દ્વારા ઘણું શીખવે છે. દરેક શિક્ષકે તો આ પુસ્તક વાંચવું જ જોઈએ પરંતુ આ થીયેરી ફક્ત શિક્ષણમાં લાગુ નથી પડતી, જિંદગીમાં બધે પડે છે એટલે ખરેખર આ પુસ્તક વસાવીને વારંવાર વાંચવું જોઈએ. 

એક પિઝ્ઝા કે મુવી ટિકિટની કિંમતનું આ પુસ્તક જરૂરથી વાંચજો તમે અહીં ક્લિક કરીને અમેઝોન પરથી આ પુસ્તક મંગાવી શકો છો.

બીજા ગુજરાતી પુસ્તકોના રીવ્યુ માટે અહીં ક્લિક કરો.