"ગુલામી"

મારા ઘરની આસપાસ ઘણા વૃક્ષો છે, ડીફેન્સ એરપોર્ટ છે. ઘરની બાલ્કનીની પાછળ જ એક કંપનીનું ફળિયું છે એમાં ઘણા ચાર પાંચ ઘટાદાર વૃક્ષો છે. મારી અગાસીની બાજુની અગાસીમાં જ સફેદ કબૂતરો પાળેલા છે, ત્યાં રોજ ચણ મળી રહેવાને કારણે બીજા કબૂતરો પણ હોઈ છે. આસપાસમાં અને અગાસીમાં બાઝ, કબૂતરો , કાગડાઓ, કાબરો ક્યારેક પોપટ વગેરે પક્ષીઓ ગમે ત્યારે હોય જ છે. બાજ અને કબૂતરોને જોઇને મને સૂજેલી આડાઅવળી  લાઈનો - 

ગુલામી

યુટ્યુબ પર વિડીઓ - 

"ગુલામી "

મારા ઘરની આસપસ રહે છે 

ઘણા બાજ અને પારેવડા 

આ પારેવડા સાવ બીચારા ડરપોક 

સામે બાજ દેખાવથી જ બિહામણા 

બાજ ઉંચે ગગનમાં જોરથી ચિચિયારી પાડે 

અને પારેવડા એ સાંભળીને જ થથરી જાય 

તો પણ ક્યારેય મેં બાજને કબુતર પાસે, 

સલામી ઠોકાવતા નથી જોયા !

ક્યારેય આ બાજ કબૂતરો પર, 

ખોટો રોફ નથી જમાવતા !

ક્યારેય આ બાજ ભોળા કબુતરાઓ પાસે, 

પોતાના કામ નથી કરાવતા ! 

ક્યારેય બાજ કોઈ કબૂતરને પકડીને નથી કહેતું, 

"ચલ મારા માટે એક ઉંદર પકડી આવ "

બાજને પણ રોજ ખોરાક શોધવા નીકળવું પડે છે !

ક્યારેય આ પારેવડા બાજથી ડરીને,

બાજની ખુશામત કરવા નથી જતા 

તેઓ ક્યારેય  બાજની ગુલામી નથી કરતા
અને બાજ ક્યારેય એમની પાસે ગુલામી કરાવતા નથી ! 

"ગુલામી ફક્ત માણસજાતમાં છે " 

- અંકિત સાદરીયા (મને ઇન્સ્તાગ્રામ પર ફોલો કરવા અહી ક્લિક કરો  ). 

મારા ઘરની પાછળનું ફળિયું
(આ બને બિલ્ડીંગ દેખાય છે એમની વચ્ચે ચાર પાંચ વૃક્ષો છે અને સાઈડમાં પણ બીજા છે )

બીજી સરસ રચનાઓ 

• રક્ષાબંધન સ્પેશીયલ - એ બહેન હોય છે ...
• મને એ નો ગમે અને એને હું !
• એક પ્રેમ મેં પણ કર્યો હતો